Rus əsgərləri Yeni ilə qədər Ukraynanı tərk etməyəcək – Kreml

Rusiya qoşunlarının ilin sonuna qədər Ukraynanı tərk etmə ehtimalı yoxdur.

Busaat.az xəbər verir ki, bunu Kremlin sözçüsü Dmitri Peskov deyib.

Peskov Ukrayna prezidenti Volodimir Zelenski tərəfindən səsləndirilən və Rusiyanın yeni il ərəfəsində qoşunlarını Ukrayna ərazisindən çıxarmasını nəzərdə tutan çağırışı dəyərləndirib.

Rusiyanın Ukraynadan Yeni ilə qədər çəkilməyəcəyinə işarə edən Peskov, “Bu, müzakirə mövzusu belə deyil” – deyə, qeyd edib.
“Ukrayna tərəfinin uzun müddət ərzində formalaşan reallıqları qəbul etməsi lazımdır. Bu faktlar yeni bölgələrin Rusiyaya qatıldığını göstərir. Faktları nəzərə almadan həll prosesində irəliləyiş əldə etmək mümkün deyil” – deyə, Peskov əlavə edib.

Qeyd edək ki, qısa zaman əvvəl Ukrayna prezidenti Volodimir Zelenski Rusiyanın yeni il ərəfəsində qoşunlarını Ukrayna ərazisindən çıxarmasını nəzərdə tutan çağırış edib.

Busaat.az