Rusiya-Afrika sammitində 49 Afrika ölkəsindən nümayəndə heyətləri, o cümlədən 17 dövlət başçısı iştirak edəcək.
Busaat.az xəbər verir ki, bu barədə Kremlin xarici siyasət üzrə köməkçisi Yuri Uşakov bildirib.
Diplomat bildirib ki, Qərbin hərəkətlərinə baxmayaraq, sammit davam edəcək.
“Biz bu vəziyyətdə Qərb dövlətlərinin müqavimətinə baxmayaraq, ikinci Rusiya-Afrika Sammitini keçirəcəyik. Afrikalıların iştirakı onların bütün baş verənlərə baxmayaraq, ölkəmizlə əlaqələri gücləndirmək niyyətini təsdiqləyir”, – Uşakov deyib.
Bu günə olan məlumata görə 54 ölkədən 49-u iştirakını artıq təsdiqləyib.
Diplomat qeyd edib ki, Rusiya qarşıdan gələn sammitə hazırlaşmaq üçün çox ciddi və davamlı çalışıb.
“Biz bu sammitə çox böyük əhəmiyyət veririk və onun uğurlu olacağına ümid edirik”, – Uşakov əlavə edib.
Qeyd edək ki, iyulun 27-28-də Sankt-Peterburqda ikinci Rusiya-Afrika sammiti forumunun keçirilməsi planlaşdırılır.
Busaat.az
