“Rusiya Atom Elektrik Stansiyasına raketlər atıb” - Zelenski

 Rusiya qüvvələri Ukraynanın cənubunda yerləşən Atom Elektrik Stansiyasına raketlər atıb.

Busaat.az xəbər verir ki, bu barədə Ukrayna prezidenti Volodimer Zelenski özünün Telegram hesabında açıqlama yayıb.

Açıqlamada yer alan məlumata görə, gecə hücumu zamanı atılan raket Mikolayev bölgəsindəki atom elektrik stansiyasının 300 metrliyinə düşüb. Açıqlamada bəzi binaların şüşələrinin sındığı və elektrik stansiyasında qısa müddətli elektrik enerjisinin kəsilməsi ilə bağlı məlumat yer alıb. Zelenski həmçinin, Rusiyanın bütün dünya üçün təhlükə yaratdığını və bu təhlükənin gec olmadan dayandırılması lazım olduğunu əlavə edib.

Qeyd edək ki, Ukrayna Baş Qərargahı Rusiya ordusunun Ukraynadakı müharibədə itkisinin 55 minə yaxınlaşdığını iddia edib. Baş Qərargahdan verilən açıqlamada Rusiya ordusunun son 24 saatda 170 əsgər itirdiyi bildirilib. Rusiya tərəfi isə, itkilərlə bağlı son dəfə martın 25-də açıqlama verib. O zaman 1351 rus əsgərinin öldüyü açıqlanıb.

Busaat.az