BMT Baş katibi Antonio Guterres Rusiyanın Ukraynanın Donetsk, Luqansk, Xerson və Zaporojya bölgələrində keçirdiyi referendumların heç bir hüquqi dəyəri olmadığını söyləyib.
Busaat.az xəbər verir ki, bu barədə BMT Baş katibi açıqlamasında bildirib.
“Ukraynanın Donetsk, Luqansk, Xerson və Zaporojya bölgələrinin ilhaqına yönəlmiş hər hansı bir qərarın hüquqi bir dəyəri yoxdur və qınanmağa layiqdir. Qərar beynəlxalq ictimaiyyət tərəfindən təsdiqlənən ümumi qaydalara ziddir. Müasir dünyada qəbuledilməz bir qərardır. Bir dövlətin torpaqlarının digər dövlət tərəfindən təhdit və ya güc istifadəsi yoluyla hər hansı bir şəkildə ilhaq edilməsi BMT sözləşməsi və beynəlxalq hüququn pozulmasıdır” –deyə, Guterres bildirib.
“Rusiyanın atacağı hansısa addım sülh ümidlərini daha da təhlükəyə atacaq. Qərarın qlobal iqtisadiyyat üzərində mənfi təsiri olacaq” deyən Baş katib Rusiyanı BMT nizamnaməsinə hörmət etməyə və Moskvanı qərarından geri çəkilməyə çağırıb.
Qeyd edək ki, qondarma Luqansk, Donetsk xalq respublikaları, Xerson və Zaporojya bölgələrinin Rusiyaya qatılması üçün referendumlar 23-27 Sentyabr tarixləri aralığında keçirilib.
Busaat.az
