Qara Dəniz Təşəbbüsü taxıl sazişinin uzadılması məsələsində Türkiyə Müdafiə Nazirliyi Rusiya, BMT və Ukrayna ilə əlaqələri davam etdirir.
Busaat.az xəbər verir ki, bu barədə Türkiyə Müdafiə Nazirliyinin sözçüsü Zeki Aktürk məlumat verib.
“Biz Türkiyə Xarici İşlər Nazirliyi ilə razılaşdırılaraq iyulun 17-də başa çatacaq taxıl təşəbbüsünün uzadılması ilə bağlı BMT, Rusiya Federasiyası və Ukrayna rəsmiləri ilə əlaqə saxlamağa davam edirik. Bu günə olan məlumata görə, təxminən 33 milyon metrik ton taxıl Ukrayna limanlarından mindən çox gəmi ilə dünya bazarlarına çıxarılıb.Ölkəmiz bu məsələdə köməklik göstərməyə hazırdır və bundan sonra da konstruktiv təşəbbüslər göstərəcək”, – TRT telekanalı Zeki Aktürkün sözlərindən sitat gətirib.
Qeyd edək ki, kanalın Türkiyə Müdafiə Nazirliyindəki mənbələri bütün işlərin taxıl müqaviləsinin uzadılmasına yönəldiyini, başqa iş görülmədiyini qeyd edib.
Busaat.az
