Rusiya bu halda nüvə silahından istifadə edə bilər - Putin açıqladı

“Rusiyanın nüvə silahından istifadə edə biləcəyi vəziyyətlər onun doktrinasında yazılıb”.

Busaat.az xəbər verir ki, bu barədə Valday beynəlxalq diskussiya klubunun iclasında çıxış edən Rusiya prezidenti Vladimir Putin Rusiyanın nüvə silahından istifadəsi ilə bağlı ehtimalları dəyərləndirib.

“Nüvə silahları mövcud olduğu müddətcə, ondan istifadə edilməsinə münasibət də mövcud olacaq. Rusiyanın nüvə silahından istifadə edə biləcəyi vəziyyətlər onun doktrinasında yazılıb. Moskva heç vaxt nüvə silahından istifadə haqqında ilk danışan tərəf olmayıb, o, yalnız Qərb liderlərinin açıqlamalarına eyhamla cavab verib. Rusiya hesab edir ki, Qərb onu qəsdən şantaj edir: məsələn, Böyük Britaniyanın keçmiş baş naziri Liz Trassın iddialarına Qərbdə heç kim reaksiya verməyib. Rusiyanın Ukraynanı nüvə silahı ilə vurmasının heç bir hərbi və ya siyasi mənası yoxdur və nüvə təhlükələri ətrafında bugünkü söhbətlər yalnız Moskvanın müttəfiqlərinə, dost və neytral dövlətlərə təzyiq etmək məqsədi daşıyır” – deyə, Putin vurğulayıb.

Busaat.az