“Lazım olduğu zamana qədər NATO müttəfiqləri ilə Ukraynanı dəstəkləməyə davam edəcəyik”.
Busaat.az xəbər verir ki, bunu Almaniya kansleri Olaf Şolz deyib.
“Rusiya bu müharibədə qalib gəlməməlidir. Eyni zamanda, NATO müharibədə tərəf olmamalıdır ki, dünya miqyasında gərginlik yaranmasın” – deyə, Şolz qeyd edib.
NATO-nun Almaniya və müttəfiqlərinin əsas təhlükəsizlik sığortası mövqeyində olduğunu bildirən Almaniya kansleri NATO-nun növbəti iclasına qədər İsveç və Finlandiyanın ittifaqa üzv olmasını arzuladıqlarını bildirib.
Şolz “Patriotlar”ın Ukraynaya verilməli olub-olmaması sualına cavab verməkdən yayınıb, onların Polşaya verilməsi təklifinə toxunub.
“Biz Polşanın təhlükəsizliyini gücləndirmək istəyirik. Polşa ilə əlaqə davam edir və bu hələ tamamlanmayıb” – deyə, Almaniya kansleri bildirib.
