7-8 iyulda hazırlıq işləri başa çatdıqdan sonra Rusiya Belarus ərazisində silah yerləşdirməyə başlayacaq.
Busaat.az xəbər verir ki, bunu Rusiya prezidenti Vladimir Putin belaruslu həmkarı Aleksandr Lukaşenko ilə görüşündə deyib.
“Vəziyyət stabildir, hətta deyərdim ki, yaxşıdır. Biz bu sahədə əməkdaşlıq edirik. Razılaşdığımız ən həssas məsələlərdə plan üzrə gedir, müvafiq tədbirlər planı hazırlanır”, – Putin bildirib.
Qeyd edək ki, martda Putin bildirib ki, Moskva və Minsk beynəlxalq öhdəlikləri pozmadan Belarusda taktiki nüvə silahı yerləşdirməyə razılaşıblar.
Putin qeyd edib ki, Rusiya nüvə silahlarını Belarusa ötürmür, lakin ABŞ-nin onilliklər ərzində etdiklərini edir, çünki amerikalılar öz müttəfiqlərinin ekipajlarına, pilotlarına lazım gələrsə, bu silah növündən istifadə etməyi öyrədirlər. Onun sözlərinə görə, Belarusda taktiki nüvə silahları üçün anbarın tikintisi iyulun 1-də başa çatacaq. Belarus prezidenti Aleksandr Lukaşenko deyib ki, lazım gələrsə, respublikaya strateji nüvə silahlarının yeridilməsi ilə bağlı Putinlə razılığa gələ bilər.
Busaat.az
