"Rusiya bu yazışmaları tezliklə dərc edəcək" - Dmitri Polyanski

Rusiya tezliklə Almaniya, Danimarka və İsveçlə “Şimal axını” qəzalarının araşdırılması ilə bağlı yazışmaları BMT Təhlükəsizlik Şurasının üzvləri ilə paylaşacaq.

Busaat.az xəbər verir ki, bu sözləri Rusiyanın BMT-dəki daimi nümayəndəsinin birinci müavini Dmitri Polyanski bildirib.

“Şəffaf olmaq üçün biz bu yazışmaları tezliklə dərc edəcəyik və Təhlükəsizlik Şurasının üzvləri arasında paylayacağıq”, – Polyanski deyib.

Diplomat bildirib ki, Qərb mətbuatında Şimal axınında baş verən qəzalarla bağlı son məlumatlar diqqəti baş verənlərdən yayındırmaq cəhdidir.

Son məlumatlara gəlincə, Qərb mediası təxribatlarda Ukraynayönlü qrupun əli ola biləcəyini bildirir.

“Şimal axını” boru kəmərlərində baş vermiş təxribat aktlarının beynəlxalq təhqiqatına dair qətnaməyə səsvermə, baxmayaraq ki, mətnin ilkin təsdiqi üzrə iş o qədər də yaxşı getmir, martın sonunda BMT Təhlükəsizlik Şurasında keçiriləcək”, – deyə Polyanski bildirib.

“Biz səbirliyik, üç raund ekspert məsləhətləşmələri keçirmişik. Amma, çox güman ki, martın sonunda biz bu mətni səsverməyə çıxaracağıq”,- diplomat əlavə edib.

Busaat.az

Busaat.az