Rusiya silahlı qüvvələrinə beşinci nəsil qırıcı təyyarələrin tədarükünü artırmağı planlaşdırır.
Busaat.az xəbər verir ki, bu barədə Rusiyanın baş naziri Mixail Mişustin məlumat verib.
“Beşinci nəsil qırıcı təyyarələrin tədarükünün artırılması planlaşdırılır”, – Mişustin deyib.
O qeyd edib ki, şuranın prioritet istiqamətlərindən biri dövlət satınalma sifarişinin vaxtında icrasını təmin etməkdir.
“Məsələn, gələn ayın sonunda təyyarə istehsalçıları yeni Su-35S təyyarələrinin daha bir partiyasını Müdafiə Nazirliyinə təhvil verəcəklər. Artıq daha çox təyyarə istehsal olunur”, – o əlavə edib.
Oonun sözlərinə görə, Uralvaqonzavod T-90M Proryv və T-72BZM tanklarının planlaşdırılmış partiyasını artıq təhvil verib.
“Müəssisə hesabat dövründə istehsal həcmini 3 dəfədən çox artıraraq son bir il ərzində xeyli sürət qazanıb. Onların istehsal etdiyi zirehli texnikalar xüsusi təyinatlı hərbi əməliyyatın tapşırıqlarını yerinə yetirmək üçün xüsusilə tələb olunur”, – nazir bildirib.
Busaat.az
