Rusiya döyüş təyyarəsi Ukraynada qəzaya uğradı

Ukrayna Rusiyanın Su-35 təyyarəsinin Xerson vilayətinin ərazi sularında qəzaya uğradığını bildirib.

Busaat.az xəbər verir ki, Ukrayna Baş Qərargahı Rusiyanın Su-35 təyyarəsinin ölkənin Xerson vilayətinin ərazi sularına düşdüyü barədə məlumat yayıb.

Qərargahın sosial media hesabından verilən açıqlamada Rusiyanın dünən axşam saatlarında Ukraynanın Dnepr şəhərindəki hərbi və infrastruktur obyektlərinə pilotsuz uçuş aparatı (PUA) və raket hücumu təşkil etdiyi bildirilib.

Açıqlamada hücumların müxtəlif tipli 16 raket və 20 ədəd “Şahid-136/131” tipli PUA-lar ilə həyata keçirildiyi, 4 qanadlı raket və PUA-nın hamısının məhv edildiyi bildirilib.

Bəyanatda həmçinin deyilir: “Günün sonunda Rusiyaya məxsus Su-35 təyyarəsi Xerson bölgəsində Ukrayna ərazi sularına düşüb. Təyyarənin qəzaya uğramasının səbəbləri araşdırılır.

Busaat.az