Rusiya hökuməti 2023-cü il dekabrın 31-dək düyü və düyü yarmalarının ixracına qadağa qoyub.Bu qərar daxili bazarda sabitliyin qorunması məqsədilə qəbul edilib.
Busaat.az xəbər verir ki, bu barədə Rusiya Federasiyası Nazirlər Kabinetinin Telegram kanalı məlumat yayıb.
“Hökumət düyü və düyü yarmalarının ixracına müvəqqəti qadağa qoyub. Məhdudiyyət 2023-cü il dekabrın 31-dək qüvvədə olacaq. Qərar daxili bazarda sabitliyi qorumaq üçün qəbul edilib”, – məlumatda qeyd edilir.
Bildirilir ki, qadağa Avrasiya İqtisadi Birliyinə üzv ölkələr, Cənubi Osetiya və Abxaziyaya təsir etməyəcək.
Bundan başqa, düyü və düyü yarmaları həm humanitar yardım üçün, həm də beynəlxalq tranzit daşımalarında xaricə göndərilə bilər.
Busaat.az
