Rusiya oktyabrın əvvəlində zəlzələdən əziyyət çəkən Əfqanıstana humanitar yardım hazırlayır.
Busaat.az xəbər verir ki, bu barədə Rusiya prezidentinin Əfqanıstan üzrə xüsusi nümayəndəsi Zamir Kabulov deyib.
“Biz humanitar yardım hazırlayırıq. Hazır olanda rəsmi açıqlama verəcəyik. Bunun üçün vaxt lazımdır”, – Kabulov bildirib.
Qeyd edək ki, oktyabrın 7-də Əfqanıstanda 6,2 bal gücündə zəlzələ baş verib.
Məlumata görə, 2400-dən çox sakin həlak olub, ən azı 2000 nəfər xəsarət alıb.
Pəri Əlizadə,
Busaat.az
