Rusiya tək bu il müxtəlif siniflərdən 30 döyüş gəmisi alacaq.
Busaat.az xəbər verir ki, bu sözləri Rusiya prezidenti Vladimir Putin Hərbi Dəniz Qüvvələri Günü münasibətilə keçirilən Baş Dəniz Paradında bildirib.
“Bu gün Rusiya milli dəniz siyasəti ilə bağlı irimiqyaslı məqsədlərini inamla həyata keçirir və öz Hərbi Dəniz Qüvvələrinin qüdrətini israrla artırır”, – Rusiya lideri deyib.
Onun sözlərinə görə, Rusiya Hərbi Dəniz Qüvvələrinin xidmətinə daxil olan döyüş gəmiləri arasında 1828-1829-cu illərdə Rusiya-Türkiyə müharibəsində şöhrət qazanmış Qara Dəniz Donanmasının yelkənli gəmisinin şərəfinə adlandırılan Merkuri raket korveti də var.
Qeyd edək ki, bu il Rusiyanın Neva çayında və Kronştadtda keçirilən Baş Dəniz Paradında Şimal, Sakit Okean, Baltik və Qara dəniz donanmalarının 45 döyüş gəmisi və sualtı qayıqları iştirak edib.
Busaat.az
