
"Rusiya İHA və qanadlı raketlərlə Ukraynada geniş hücumlar həyata keçirib" - Ukrayna MN
Rusiya ordusu bu gün kamikadze tipli pilotsuz uçuş aparatları (PUA) və qanadlı raketlərdən Ukraynanın kritik əhəmiyyətli şəhər və obyektlərinə hücumlar həyata keçirib.
Busaat.az xəbər verir ki, bu barədə Ukrayna Müdafiə Nazirliyi məlumat yayıb.
Nazirlikdən verilən açıqlamaya görə, Rusiya hərbi birləşmələrinin səhər saatlarında Ukraynada geniş hücumlar təşkil etdiyi bildirilib.
Məlumatda Ukrayna Hərbi Hava Qüvvələrinin 5 raket və 5 kamikadze PUA-nı məhv etdiyi açıqlanıb.
Qeyd edilib ki, Rusiya qüvvələri Belqorod və Tokmak şəhərlərindən S-300 zenit-raket kompleksləri ilə Ukraynanın kritik əhəmiyyətli şəhər və obyektlərinə ağır zərbələr endirib. Həmçinin, Rusiya ordusu 35 birliklə Xarkov və Zaporojye bölgələrinə də hücumlar təşkil edib.
Busaat.az























