Rusiya ilə imzalanmış “New START”a alternativ layihə hazırlandı
ABŞ-nin Arkanzas senatoru Tom Kotton, Rusiyanı bir qrup respublikaçı senatorla imzalanmış “New START” silahlara nəzarət razılaşmasını pozmaqda ittiham edərək, bu mövzuda yeni qanun layihəsi hazırladığını açıqlayıb.
Busaat.az xəbər verir ki, bu barədə senator Kotton yazılı açıqlama verib.
Müvafiq olaraq, Kotton və daha doqquz respublikaçı senator tərəfindən dəstəklənən qanun layihəsi gələcək silahlara nəzarət danışıqlarına məhdudiyyətlər qoyan və ABŞ-nin nüvə qüvvələrini gücləndirməyi hədəfləyən məlumatı ehtiva edir.
“New START” Müqaviləsi Amerikanın əl-qolunu bağladığı halda, Vladimir Putin müqavilənin qüsurlarından illər boyu istifadə etdi. Prezident Bayden yalnız Rusiya və Çini gücləndirən, ABŞ-ni zəiflədən bu razılaşmanı heç vaxt uzatmamalı idi. Biz sazişdən çıxmalı və nüvə qüvvələrimizi dəstəkləməliyik”, – qanun layihəsində deyilir.
Rusiya ilə gələcək silahlara nəzarət müqavilələrinin bütün nüvə silahlarını, eləcə də Çini əhatə etməsi şərti ilə bu səhvləri düzəldəcəyini vurğulayan qanun layihəsi ABŞ-nin mövcud və planlaşdırılan nüvə qüvvələrinin adekvatlığının qiymətləndirilməsinin zəruriliyini vurğulayır və bu problemi həll etmək üçün icra planı tələb edir.
NEW START MÜQAVİLƏSİ HAQQINDA
2010-cu ildə imzalanmış “New START” sazişi iki ölkənin yerləşdirdiyi strateji nüvə başlıqlarını maksimum 1550-yə qədər məhdudlaşdırırdı.
Razılaşma həmçinin buraxılış meydançalarının və ağır bombardmançıların sayını 800-ə qədər məhdudlaşdırıb.
2021-ci ilin yanvarında ABŞ prezidenti Co Bayden vəzifəyə gəldikdən qısa müddət sonra iki ölkə müqavilənin müddətini 2026-cı ilə qədər uzadıb.
ABŞ Dövlət Departamentinin sözçüsü Ned Prays 9 noyabr 2022-ci ildə ABŞ və Rusiyanın nüvə silahlarının azaldılmasına yönəlmiş “New START” sazişi çərçivəsində qarşılıqlı təftişləri yenidən başlamaq üçün tezliklə məsləhətləşmə danışıqları aparacağını açıqlayıb.
Busaat.az
