Rusiya ilə Ukrayna arasında məhbus mübadiləsi davam edir.
Busaat.az xəbər verir ki, Ukrayna Prezident Aparatının rəhbəri Andrey Yermak 95 ukraynalı əsgərin Rusiyadan geri alındığını açıqlayıb.
Əsirlərin evlərinə qayıtması üçün həftənin 7 günü 24 saat çalışdıqlarını bildirən Yermak deyib: “95 insanımızı evlərinə qaytarırıq. Ukrayna prezidenti Volodimir Zelenskinin “hamını geri qaytarmaq” əmri istiqamətində işlər davam edir”.
Rusiya Müdafiə Nazirliyindən verilən açıqlamada isə bildirilib: “Danışıqlar prosesi nəticəsində əsir düşən və ölüm təhlükəsi ilə üzləşmiş 94 rus əsgəri Kiyev rejiminin nəzarətində olan ərazidən geri gətirilib. Azad edilənlərə lazımi tibbi və psixoloji dəstək veriləcək”.
Busaat.az
