Səhər saatlarında Kiyev, Lvov və Dnepr şəhərlərinə hücumlar təşkil edilib.
Busaat.az xəbər verir ki, bu barədə Ukrayna mediası məlumat yayıb.
Kiyevin meri Vitali Kliçko da şəhərin mərkəzindəki Şevçenkivsk rayonunda partlayışların baş verdiyini açıqlayıb.
Kliçko Telegram hesabında bildirib: “Şevçenkivsk rayonunda, paytaxtın mərkəzində bir neçə partlayış baş verib. Bütün xidmətlər yerindədir. Təfərrüatlar daha sonra açıqlanacaq”.
Ukrayna mətbuatında yer alan xəbərlərə görə, paytaxtda 3 və ya 4 partlayış baş verib.
Partlayışların Ukrayna Prezident Aparatının 1-2 kilometrliyində olduğu bildirilib.
Digər tərəfdən Ukrayna mətbuatında Lvov və Dnepr şəhərlərində də hücumların həyata keçirildiyi barədə xəbərlər yayılıb.
Busaat.az
