Rusiya Konstitusiyasının müəlliflərindən olan Viktor Şeynis vəfat edib

Rusiya Konstitusiyasının müəlliflərindən biri və “Yabloko” partiyasının yaradıcılarından olan Viktor Şeynis vəfat edib.

Busaat.az xəbər verir ki, bu barədə Sankt-Peterburq Qanunvericilik Məclisinin deputatı, “Yabloko” partiyasının sədr müavini Boris Vişnevski bildirib.

92 yaşında vəfat edən Şanis 16 fevral 1931-ci ildə Kiyevdə anadan olub. Leninqrad Dövlət Universitetinin tarix fakültəsini bitirib. 1966-cı ildən iqtisad elmləri namizədi, 1982-ci ildən isə doktor və professor olub.

1990-cı ildə RKFSH-nin xalq deputatı seçilib. 1993-cü ildə Dövlət Dumasının deputatı seçilib. O, “Yabloko” fraksiyasının üzvü, Qanunvericilik və məhkəmə-hüquq islahatları komissiyasının üzvü olub.

1993-94-cü illərdə Rusiya Prezidenti yanında qanunvericilik proqramları komitəsinin sədri vəzifəsini daşıyıb. O, həmçinin Rusiya Federasiyası Konstitusiyasının müəlliflərindən biridir.

Busaat.az