Avropa İttifaqının (Aİ) Rusiya neftinə tətbiq etdiyi yeni sanksiyalar və qiymət məhdudiyyətləri ölkədə iqtisadi fəallığı əhəmiyyətli dərəcədə azalda biləcək “yeni iqtisadi şoklar”dır.
Busaat.az xəbər verir ki, bu barədə məlumatı Rusiya Mərkəzi Bankı yayıb.
Rusiya Mərkəzi Bankı tərəfindən hazırlanmış “Trendlər nə deyir?” Hesabatda deyilir ki, qismən səfərbərlik oktyabrın ortaları və noyabrın əvvəllərində Rusiya iqtisadiyyatında qısamüddətli tənəzzülə səbəb olub.
Noyabrın ikinci yarısında iqtisadiyyatın ümumilikdə yenidən stabil prosesə girdiyinə dair məlumatların yer aldığı hesabatda bunun əsas səbəbi kimi hökumətin verdiyi sərəncamlar göstərilib.
Hesabatda Aİ ölkələrinin Rusiyadan dəniz yolu ilə daşınan neftin idxalını dayandırması və Rusiya neftinə 60 dollar civarında qiymət məhdudiyyətini tətbiq etməyə başlamasının Rusiya iqtisadiyyatına mənfi təsir edəcəyi bildirilib.
Aİ-nin yeni addımlarının iqtisadiyyatı şoka sala biləcəyinə diqqət çəkən hesabatda qeyd edilib: “Rusiyadakı iqtisadi aktivliyi əhəmiyyətli dərəcədə azalda biləcək yeni iqtisadi faktorlar arasında Avropanın Rusiya neftinə tətbiq etdiyi sanksiyalar və qiymət məhdudiyyətləri ön plana çıxır”.
Qeyd edək ki, Aİ ölkələri dekabrın 2-də Rusiyadan dəniz yolu ilə daşınan neftin bir barelinin maksimum qiymətinin 60 dollar olması barədə razılığa gəliblər.
Rusiya rəsmiləri qiymət məhdudiyyəti qərarına qatılan ölkələrə neft və neft məhsulları satmayacaqlarını açıqlayıb.
