Rusiya Mikolayevi vurdu: 1 ölü, 23 yaralı

Rusiyanın Ukraynanın Nikolayev şəhərinə gecə saatlarında həyata keçirdiyi raket hücumları nəticəsində 1 nəfər ölüb, 23 nəfər yaralanıb.

Busaat.az xəbər verir ki, Ukrayna Ordusunun Cənub Əməliyyat Komandanlığından verilən açıqlamada gecə saatlarında Qara dəniz üzərindən atılan raketlərlə Mikolayev şəhərinin müxtəlif nöqtələrinin vurulduğu bildirilib:

“Ümumilikdə 4 raket atılıb. Koordinatlara əsaslanan yüksək dəqiqlikli raketlər dinc əhaliyə qarşı terror aktının açıq göstəricisidir. Son məlumata görə, hücum nəticəsində bir mülki şəxs həlak olub, biri uşaq olmaqla 23 nəfər yaralanıb”, – deyə məlumatda bildirilir.

Raketlərin vurduğu binalarda başlayan yanğın yanğınsöndürənlərin müdaxiləsindən sonra söndürülüb.

Hücum zamanı bir bina tamamilə dağılarkən, bir tarixi bina və bir mənzilə ciddi ziyan dəyib.

Busaat.az