“Rusiya müqavimətimizi sındırmaq üçün bir yol tapmayıb və şübhəsiz ki, tapmayacaq”.
Busaat.az xəbər verir ki, bu barədə Ukrayna prezidenti Volodimir Zelenski sosial media hesabında videomüraciət paylaşıb.
“Rusiya-Ukrayna müharibəsi 9 aydır davam edir. Rusiyanın Ukraynanın kritik enerji infrastrukturlarına qarşı intensiv raket hücumları nəticəsində bütün ölkədə elektrik və içməli su problemləri indiyədək davam edir. İçməli su ilə bağlı ən ciddi problemlər Kiyev, Kirovoqrad, Dnepr, Lvov, Poltava və Xarkov bölgələrində yaşanıb, 15 bölgədə əhalinin elektrik enerjisi ilə təmin olunmasında çətinliklər var” –deyə, Zelenski qeyd edib.
Cəbhədəki döyüş fəaliyyətlərinə toxunan Zelenski Rusiya hücumlarını bir neçə nöqtədə uğurla dəf etdiklərini bildirib: “İnsanlarımız cəsarətlə müdafiə olunur. Bizim irəliləməyə hazır olduğumuz tərəflər də var”.
“Bu terror növü rus ordusunun Xerson vilayətini tərk etməyə məcbur olmasından dərhal sonra başlayıb. Bu uduzanların qisasıdır. Onlar necə döyüşəcəklərini bilmirlər. Hələlik əllərindən gələni terror etməkdir. Siz və mən 9 aydır ki, böyük miqyaslı müharibəyə dözmüşük. Rusiya bizi heç vaxt sındırmaq üçün yol tapmayıb və tapmayacaq” –deyə, Zelenski cəbhədəki uğursuzluğa görə Rusiya qüvvələrinin Ukraynadakı mülki və enerji infrastrukturlarına hücumlara başladığını vurğulayıb.
Busaat.az
