“Rusiya müşahidəçi statusu üçün Azərbaycanla sıx təmasdadır” – Zaxarovabackend

“Rusiya Qoşulmama Hərəkatında müşahidəçi statusu almaq məsələsi üzrə təşkilatın hazırkı sədri Azərbaycanla sıx təmasdadır”.

Busaat.az  xəbər verir ki, bunu Rusiya Xarici İşlər Nazirliyinin rəsmi nümayəndəsi  Mariya Zaxarova bu gün keçirdiy brifinqdə deyib.

“Rusiyanın Qoşulmama Hərəkatında müşahidəçi statusu alması ehtimalı ilə əlaqədar olaraq, bu məsələ hərəkatın hazırkı sədri olaraq Azərbaycanla sıx təmasda işlənilir”,- deyə Zaxarova qeyd edib.

Zaxarova son illərdə Rusiya ilə Qoşulmama Hərəkatına üzv ölkələr arasında çox sıx qarşılıqlı əlaqələrin inkişaf etdiyini qeyd edib.

“Buna Rusiyanın və hərəkata üzv dövlətlərin beynəlxalq gündəmdəki əksər məsələlərə yaxın yanaşma saxlaması kömək edir. Bunun fonunda Rusiyanın təşkilatdakı statusunun qaldırılması məntiqli bir təşəbbüs kimi görünür”,- deyə Zaxarova əlavə edib.