Rusiya neft hasilatını azaltmağa başlayır - Aleksandr Novak

Rusiya mart ayından neft hasilatını gündəlik 500 min barel azaltmağa başlayır. 

Busaat.az xəbər verir ki, bu sözləri Rusiya baş nazirinin müavini Aleksandr Novak deyib.

Onun sözlərinə görə, Rusiya OPEC+ ölkələri ilə məsləhətləşmədən könüllü olaraq bu addımı atıb.

Bildirilir ki, azalma qaz kondensatı istisna olmaqla, yalnız neft hasilatına təsir göstərəcək. İstehsal kvotası neft şirkətləri arasında onların hasilat səviyyəsindən asılı olaraq bərabər bölünəcək.

“Bazarın vəziyyətinin necə inkişaf edəcəyini görəcəyik və bundan asılı olaraq bazarda qərarlar veriləcək”, –  deyə Novak əlavə edib.

Busaat.az