Ağ Ev Rusiya ordusunun Qara dənizdə mülki gəmilərə mümkün hücumlara hazırlaşdığı barədə xəbərdarlıq edib.
Busaat.az xəbər verir ki, bu barədə Associated Press agentliyi məlumat yayıb.
Bu həftə Qara dəniz taxıl təşəbbüsündən geri çəkildikdən sonra Rusiya artıq Odessa limanlarına raket və dronlarla hücum edib. Hücumlar nəticəsində 60 min tona yaxın taxıl məhv edilib.
“Bizdə olan məlumata görə, Rusiya Ukrayna limanlarında əlavə dəniz minaları yerləşdirib”, – ABŞ Milli Təhlükəsizlik Şurasının nümayəndəsi Adam Hodc bildirib.
Rusiya Müdafiə Nazirliyi Ukrayna limanlarına gedən bütün gəmiləri potensial hərbi yük daşıyıcıları hesab edəcəyi barədə xəbərdarlıq edib.
Busaat.az
