Rusiya qüvvələri Dneprdə yerləşən tibb mərkəzinə hücum edib.
Busaat.az xəbər verir ki, Ukrayna prezidenti Volodimir Zelenski bu gün səhər saatlarında Rusiyanın Dnepr şəhərində tibb müəssisəsinə edilən hücumda bir nəfərin öldüyünü, 15 nəfərin yaralandığını açıqlayıb.
Zelenski bildirib ki, hücum nəticəsində 1 nəfər ölüb, 15 nəfər yaralanıb.
Ukrayna lideri deyib: “Rus terrorçuları bir daha təsdiq etdilər ki, humanist və vicdanlı hər şeyə qarşıdırlar. Dnepr şəhərindəki klinikaya raket hücumu həyata keçirilib. Hazırda bir nəfər ölüb, 15 nəfər yaralanıb. Bombardman nəticəsində dəymiş ziyanın aradan qaldırılması və yaralıların xilas edilməsi istiqamətində işlər aparılır, bütün xidmətlər işə salınıb”.
Qeyd edək ki, Dnepr gecə saatlarında hücuma məruz qalıb. Ukrayna qüvvələri Rusiya tərəfindən öz ərazilərinə göndərilən 10 raket və 25 ədəd pilotsuz uçuş aparatını vurduqlarını açıqlayıb.
Busaat.az
