Finlandiya Xarici İşlər Nazirliyi Rusiyanın Helsinkidəki səfiri Pavel Kuznetsovu iki rus hərbi təyyarəsinin Porvoo sahillərində ölkənin hava məkanını pozmasından sonra nazirliyə çağırıb.
Busaat.az “RİA Novosti”yə istinadən xəbər verir ki, bununla bağlı Finlandiya Xarici İşlər Nazirliyi bəyanat yayıb.
Bəyanata əsasən, səlahiyyətlilər iki rus hərbi təyyarəsinin Porvoo sahillərində ölkənin hava məkanını pozduğuna qərar verib.
Xarici İşlər Nazirliyi Rusiyanın Helsinkidəki səfiri Kuznetsovu hadisə ilə bağlı sorğu-sual etmək üçün çağırıb.
Finlandiyanın müdafiə naziri Antti Edvard Hakkanen hadisə ilə bağlı araşdırma başladıldığını açıqlayıb.