Belqradın neytrallığını elan etməsinə baxmayaraq, Serbiya müdafiə müəssisələri Kiyevi sursatla təmin etməkdə davam edir.
Busaat.az Bakıvaxtı.az-a istinadən xəbər verir ki, bu barədə Rusiya Xarici Kəşfiyyat Xidməti məlumat yayıb.
“Ölkənin hərbi sənayesi Rusiyanı kürəyindən vurmağa çalışır. Serb müdafiə müəssisələri rəsmi Belqradın bəyan etdiyi neytrallığa baxmayaraq, Kiyevə sursat tədarükünü davam etdirir. Xüsusilə, antirusiya hərəkətlərinin gizlədilməsi üçün saxta son istifadəçi sertifikatlarından və vasitəçi ölkələrdən istifadə edən sadə bir sxem var. Sonunculara ən çox NATO ölkələri, ilk növbədə Çexiya, Polşa və Bolqarıstan daxildir”, – qeyd olunub.
