Rusiya “Şimal axını” boru kəmərlərini partlatmayıb - Tramp

ABŞ-nin sabiq  prezidenti Donald Tramp “Şimal axını” boru kəmərlərindəki təxribatlara görə kimin məsuliyyət daşıdığını açıqlamayıb, lakin əmin edib ki, bu, şübhəsiz ki, Rusiya deyil.

Busaat.az xəbər verir ki, bu barədə Tramp “Fox News” telekanalına müsahibəsində deyib.

“Ölkəmizi çətinliyə salmaq istəmirəm, ona görə də cavab verməyəcəyəm”, – Tramp bildirib.

Qeyd edək ki,  fevralın 8-də ABŞ-nin araşdırmaçı jurnalisti Seymur Herş mənbələrə istinadən yazı dərc edərək, ABŞ Hərbi Dəniz Qüvvələrinin dalğıclarının 2022-ci ilin iyununda BALTOPS təlimi altında “Şimal axını 1 və 2” qaz kəmərlərinin altına partlayıcı qurğular yerləşdirdiyini və norveçlilərin onu aktivləşdirdiyini yazıb. Jurnalistin sözlərinə görə, əməliyyatın keçirilməsi barədə qərar Ağ Evin təhlükəsizlik mütəxəssisləri ilə 9 aylıq müzakirələrdən sonra şəxsən ABŞ prezidenti Co Bayden tərəfindən verilib.

Busaat.az