Kremlin sözçüsü Dmitri Peskov, Rusiya Prezidenti Vladimir Putinin Ukrayna ilə heç bir ön şərt olmadan birbaşa danışıqlara hazır olduğunu açıqlayıb. O, Kiyev tərəfindən bu mövzuya dair hələlik heç bir reaksiya gəlmədiyini bildirib.
Busaat.az Türkiyə mediyasına istinadan bildirir ki, Peskov, Ukrayna ilə sülhün ABŞ-la deyil, məhz tərəf olan Ukrayna ilə əldə olunmalı olduğunu vurğulayıb. O, Vaşinqtonun sülh üçün göstərdiyi səyləri yüksək qiymətləndirərək, “ABŞ-a göstərdiyi böyük səylərə görə minnətdarıq,” – deyə qeyd edib.
Kiyevin sülh prosesini müxtəlif ön şərtlərlə uzatmağa çalışdığını bildirən Peskov, bunun Putinlə ziddiyyət təşkil etdiyini bildirib.
O, həmçinin Çin Prezidenti Si Cinpinin 9 May Qələbə Bayramı münasibətilə Moskvaya səfər edəcəyini təsdiqləyib.
Aqil Nuriyev
Busaat.az
