Ankara və Dəməşq arasında münasibətləri yaxşılaşdırmaq üçün Rusiya, Türkiyə, İran və Suriya xarici işlər nazirləri arasında görüşə intensiv hazırlıq gedir.
Busaat.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
“Deyə bilərəm ki, bu görüşün təşkili ilə bağlı işlər gedir və nazirlərin görüşünün tarixləri, əlbəttə ki, nazirlərin gərgin iş qrafiki nəzərə alınmaqla razılaşdırılır. Bunu etmək o qədər də asan deyil”, – o, mətbuat konfransında bildirib.
Qeyd edək ki, Türkiyənin xarici işlər naziri Mövlud Çavuşoğlu bazar ertəsi Suriya ilə bağlı dördtərəfli görüşün mayın əvvəlində Moskvada keçirilə biləcəyini deyib. Rusiya Xarici İşlər Nazirliyi daha əvvəl bildirmişdi ki, dörd ölkənin xarici işlər nazirlərinin müavinləri nazirlərin görüşünü müzakirə etmək üçün aprelin 3 və 4-də Moskvada məsləhətləşmələr aparıblar.
Busaat.az
