Rusiya Türkiyəyə xilasedicilərlə birlikdə iki təyyarə göndərməyə hazırdır – Aleksandr Kurenkov

Rusiya dağıdıcı zəlzələnin nəticələrinin aradan qaldırılmasına kömək etmək üçün xilasedicilərlə birlikdə iki İl-76 təyyarəsini Türkiyəyə göndərməyə hazırdır.

Busaat.az xəbər verir ki, bu barədə Rusiya Fövqəladə Hallar Nazirliyindənməlumat verilib.

“Rusiya Fövqəladə Hallar Nazirliyi Qaziantep vilayətində gecə saatlarında baş vermiş dağıdıcı zəlzələnin nəticələrinin aradan qaldırılmasına kömək etmək üçün Türkiyə Respublikasına xilasedicilər göndərməyə hazırdır”, – nazirliyin bəyanatında deyilir.

Rusiya fövqəladə hallar naziri Aleksandr Kurenkovun göstərişi ilə Centrospas aviasiya-xilasetmə dəstəsinin və Yüksək Riskli Xilasetmə Əməliyyatları üzrə Lider Mərkəzinin 100 əməkdaşını hazır vəziyyətə gətirib.

Nazirin sözlərinə görə, Rusiya Fövqəladə Hallar Nazirliyi çətin vəziyyətə düşmüş dost dövlətə hər zaman yardım göstərməyə hazırdır.

“Bizim xilasedicilərimiz bu cür fövqəladə halların nəticələrini aradan qaldırmaq üçün bütün lazımi təcrübə və avadanlıqlara malikdirlər və artıq zəlzələdən zərər çəkmiş əraziyə yola düşməyə hazırdırlar”, – Kurenkov bildirib.

Qeyd edək ki, Türkiyədə baş verən zəlzələdə nəticəsində son məlumatlara görə, 284 nəfər ölüb.

Rusiya Fövqəladə Hallar Nazirliyinin xilasediciləri BMT-nin koordinasiyalı humanitar mexanizmləri altında fəaliyyət göstərən Beynəlxalq Axtarış və Xilasetmə Məsləhətçi Qrupunun (INSARAG) standartları üzrə sertifikat alıblar. Centrospas qrupu INSARAG beynəlxalq standartlarına uyğun olaraq “ağır sinif” heyəti kimi sertifikatlaşdırılmışdır.

Busaat.az