Rusiya-Ukrayna müharibəsində ölən uşaqların sayı 500-ü ötüb - UNICEF

Rusiya-Ukrayna müharibəsi başlayandan bəri 500-dən çox uşaq həyatını itirib.

Busaat.az xəbər verir ki, bu barədə Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel bildirib.

Sosial mediadan açıqlama verən Rassel deyib: “Müharibənin başladığı 2022-ci ilin fevralından bu yana ən azı 501 uşaq öldürülüb”.

Həqiqi ölənlərin sayının UNICEF- in təsdiq etdiyi rəqəmlərdən çox ola biləcəyini bildirən Rassel müharibədə ən azı 1000 uşağın yaralandığını qeyd edib.

“Hər hadisənin arxasında dağılan və əbədi olaraq dəyişən bir ailə dayanır. Bu, ürək ağrıdır. Nəhayət, uşaqların və ailələrin sülhə ehtiyacı var və bu, tezliklə olmayacaq”, – Rassel deyib.

Busaat.az