Rusiya hərbçiləri paytaxt Kiyev də daxil olmaqla, Ukraynanın bir neçə şəhərində raket hücumları həyata keçirib.
Busaat.az xəbər verir ki, Ukrayna hakimiyyəti ölkənin şərqindəki Dnepr şəhərində biri qadın və biri uşaq olmaqla üç nəfərin öldüyünü açıqlayıb.
Sosial mediada yayılan bəzi görüntülərdə Uman qəsəbəsinin mərkəzində doqquz mərtəbəli bir binanın vurulduqdan sonra böyük ziyan gördüyü görünür.
“İnterfaks” agentliyinin məlumatına görə, partlayışlar Kremençuk və Poltava şəhərlərində də baş verib.
Ukrayna rəsmiləri paytaxt Kiyevdə hava hücumundan müdafiə sistemi tərəfindən 11 raket və iki PUA-nın vurulduğunu bildirib.
Kiyev hərbi administrasiyasının rəhbəri qeyd edib ki, sözügedən hücum Rusiya tərəfindən 51 gün sonra paytaxta ilk hücumdur.
Şəhərdə mülki vətəndaşların itkiləri ilə bağlı məlumat paylaşılmayıb.
Umanda 5 nəfərin yaralanaraq xəstəxanaya aparıldığı açıqlanıb.
Busaat.az
