Rusiya Ukraynada 50-dən çox yaşayış məntəqəsini bombaladı

 Rusiya qüvvələri bu gün Ukraynada 50-dən çox yaşayış məntəqəsinə hücumlar təşkil edib.

Busaat.az xəbər verir ki, bunu Ukrayna prezidenti Volodimir Zelenski deyib.

Zelenski, gecə saatlarında paylaşdığı gündəlik videomüraciətində Rusiya qüvvələrinin ölkəsinin müxtəlif bölgələrinə qarşı hücumlarını davam etdirdiyini ifadə edərək, 50-dən çox yaşayış məntəqəsinin vurulduğunu bildirib.

Rusiyanın hücumlarına getdikcə daha təsirli cavab verdiklərini ifadə edən Zelenski qeyd edib: “Biz də hava hücumundan müdafiə sistemlərimizi əhəmiyyətli dərəcədə gücləndirəcək yeni sistemlər aldıq. Təbii ki, Ukrayna hava məkanı yüz tam qorunmur, amma yavaş-yavaş ona doğru irəliləyirik” dedi.

Donetskdə şiddətli toqquşmaların baş verdiyini qeyd edən Zelenski, Rusiya qüvvələrinin Donetsk cəbhəsində böyük itkilər verdiyini iddia edib.

Ukraynaya qarşı döyüşən rus əsgərlərinə müraciət edən Zelenski onları Ukrayna ordusuna təslim olmaqla canlarını xilas etməyə çağırıb.

Ukraynadakı strateji əhəmiyyətli “Motor Sich”, “KrAZ”, “Ukrnafta”, “Ukrtatnafta” və “Zaporijya Transformer” kimi şirkətlərin dövlətin nəzarətinə keçməyə qərar verdiyini qeyd edən Zelenski, bu şirkətlərin infrastrukturlarının ordunun ehtiyaclarını qarşılayacağını bildirib.

Busaat.az