Rusiya Ukraynada fəlakətlə üzləşdi - ABŞ Müdafiə Nazirliyi

Rusiya Ukraynada dağıdıcı strateji fəlakətlə üzləşib.

Busaat.az xəbər verir ki, ABŞ Müdafiə Nazirliyinin Müdafiə Siyasəti üzrə müşaviri Kolin Kahl Pentaqonun milli müdafiə strategiyası sənədi ilə bağlı qiymətləndirmələr edib.

“Məncə, Ukraynadakı təhlükənin Ukraynadan daha böyük olduğu geniş şəkildə qəbul edilir. Mən Konqresdəki hər iki partiyanın təkcə Ukraynanın müstəqilliyini və demokratiyasını müdafiə etmək üçün deyil, vahid prinsip uğrunda mübarizə apardığını düşünürəm. Biz böyük ölkələrin kiçik qonşularını məğlub edə biləcəklərinə inandıqları bir dünyada yaşamaq istəmirik. Biz əvvəllər belə bir dünyada yaşamışıq: biz bu dövrü 1930-cu illər adlandırırıq və bu, bəşər tarixində ən fəlakətli qlobal münaqişə ilə başa çatdı. Ancaq əminliklə deyə bilərəm ki, Rusiya artıq Ukraynada dağıdıcı strateji fəlakətlə üzləşib. Bu dəyişməyəcək. Putin Rusiyanın böyük ordusu ilə hələ də qlobal güc olduğunu sübut etmək istəyir, ancaq bu müharibədən daha zəif çıxacaq” –deyə, Kahl bildirib.

Busaat.az