Rusiya Müdafiə Nazirliyinin mətbuat katibi İqor Konaşenkov Ukraynanın Dnepr hərbi hava limanındakı silah və sursatları uzaq mənzilli yüksək dəqiqlikli raketlərlə vurduqlarını bildirib.
Busaat.az xəbər verir ki, Konaşenkov Rusiya ordusunun Ukraynadakı hərəkətləri ilə bağlı açıqlama verib.
Ukraynada müəyyən hədəflərə qarşı hücumlar təşkil etdiklərini açıqlayan Konaşenkov deyib: “Rusiya Silahlı Qüvvələri bu gecə Dnepr hərbi hava limanındakı obyektlərə havadan atılan uzun mənzilli yüksək dəqiqlikli raketlərlə qrup hücumu həyata keçirib. Hücum hədəfinə çatdı. Müəyyən edilmiş bütün obyektlər məhv edilib. Hücum nəticəsində aviasiya texnikası, silah və sursat olan anqarlar və raket hazırlığı üçün texniki mövqe vurulub”.
Rusiya hava hücumundan müdafiə sistemlərinin Donetsk vilayətinin Lozovoye qəsəbəsi yaxınlığında Ukrayna Hərbi Hava Qüvvələrinə aid Mi-8 helikopterini vurduğunu qeyd edən Konaşenkov Xerson, Zaporojye və Donetsk bölgələrində ümumilikdə 17 Ukrayna pilotsuz uçuş aparatını vurduqlarını bildirib.
Busaat.az
