Birləşmiş Millətlər Təşkilatının (BMT) Baş Assambleyasında Rusiyadan Ukraynaya müharibə təzminatı ödəməsini tələb edən qətnamə qəbul edilib.
Busaat.az xəbər verir ki, BMT Baş Assambleyasının 193 üzvünün iştirak etdiyi görüşdə Rusiyanın Ukrayna daxilində və ya ona qarşı beynəlxalq hüququn hər hansı pozuntusuna görə məsuliyyət daşımasını tələb edən qətnaməyə səs verib.
94 ölkə lehinə, 14 ölkə əleyhinə səs verərkən, 74 üzv ölkə bitərəf qalıb. Qətnamənin əleyhinə səs verən üzv ölkələr arasında Rusiya, Çin, İran və Suriya var.
Qətnamə Rusiyanın Ukraynaya qarşı qeyri-qanuni hərəkətləri nəticəsində dəyən zərər, ölüm və ya xəsarətlərin ödənilməsi üçün beynəlxalq mexanizmin yaradılmasını tələb edir.
Qeyd edək ki, BMT Baş Assambleyasının qətnamələri hüquqi qüvvəyə malik olmasa da, siyasi çəkiyə malikdir.
