Rusiya və Belarus əsgərlərinin birgə təlim keçəcəyi mərkəz yaradılacaq - Vladimir Putin

Rusiya prezidenti Vladimir Putin Belarusla iki ölkənin əsgərləri üçün müştərək təlim mərkəzinin yaradılması istiqamətində işə başlamaq barədə göstəriş verib.

Busaat.az xəbər verir ki, Rusiya Müdafiə Nazirliyinə Belarus tərəfi ilə danışıqlar aparmaq və iki ölkənin əsgərlərinin təlimi üçün mərkəzin yaradılması üçün razılıq əldə etmək tapşırılıb.

Belarus tərəfinin layihə üzrə razılığa gəldiyi təlim mərkəzlərindən ikisinin Belarusda, birinin isə Rusiyada yaradılması nəzərdə tutulur.

Belarus Müdafiə Nazirliyinin bəyanatına görə, Belarus və Rusiya Silahlı Qüvvələrinin birgə regional güc hərbi birləşmələri bu gündən etibarən birgə qərargah təlimlərinə başlayacaq.

Bundan başqa bildirilib ki, Belarus  və Rusiya Silahlı Qüvvələrinin birgə regional güc aviasiya bölmələrinin birgə taktiki-uçuş təlimləri davam edir. Təlim fevralın 1-də başa çatacaq.

Qeyd edək ki,  Putin və Lukaşenko 2022-ci ilin oktyabrında Rusiya-Belarus İttifaqı dövlətinin sərhədlərində gərginliyin artması zəminində iki ölkənin hərbi birləşmələrindən ibarət ortaq regional güc yaradıblar.

Busaat.az