Belarus və Rusiya Ukraynadakı münaqişə vasitəsilə onları III Dünya Müharibəsi ssenarisinə sürükləmək üçün istənilən hiyləyə qarşı birlikdə möhkəm dayanacaqlar.
Busaat.az xəbər verir ki, bu sözləri Belarus prezidenti Aleksandr Lukaşenko bildirib.
“Biz görürük ki, nasist, faşist və digər dağıdıcı qüvvələr tarixi yenidən yazmağa, Böyük Qələbəyə birgə töhfəmizi inkar etməyə və həm o dövrdə, həm də bu gün onların cinayət əməllərinə haqq qazandırmağa cəhdlər edir”, – Lukaşenko deyib.
“Ukraynadakı münaqişə vasitəsilə bizi üçüncü dünya müharibəsinə sürükləmək istəyirlər. Amma mən bir şeyə əminəm o zaman xalqlarımızı məhv edə bilmədilər, indi də bacarmayacaqlar”, – Belarus lideri əlavə edib.
Lukaşenkonun sözlərinə görə, o, tarixdə Leninqrad və Belarus qədər müharibədən əziyyət çəkən başqa yerlər tanımır.
Prezident qeyd edib ki, həm MDB-də, həm də onun hüdudlarından kənarda azadlıq və həqiqətin qalası olan qardaşlıq birliyini möhkəmləndirmək üçün Belarus və Rusiyanın görüləcək çox işi var.
Busaat.az
