
Rusiya və İran xarici işlər nazirləri arasında danışıqlar təxirə salınıb
Rusiya və İranın xarici işlər nazirləri Sergey Lavrov və Hüseyn Əmir Abdullahyan arasında yanvarın 17-nə planlaşdırılan danışıqlar daha sonrakı tarixə təxirə salınıb.
Busaat.az xəbər verir ki, bu barədə Rusiya Xarici İşlər Nazirliyi məlumat yayıb.
“Tərəflərin qarşılıqlı razılığı ilə Rusiya xarici işlər naziri Sergey Lavrov və İran İslam Respublikasının xarici işlər naziri Hüseyn Əmir Abdullahyan arasında yanvarın 17-nə nəzərdə tutulan danışıqlar daha sonrakı tarixə təxirə salınıb”, – nazirlikdən bildirilib.
Məlumatda, görüşün nəzərdə tutulduğu yeni tarix açıqlanmayıb.























