Rusiya və İranın xarici işlər nazirləri Sergey Lavrov və Hüseyn Əmir Abdullahyan yanvarın 17-də Moskvada görüşəcəklər.
Busaat.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
Zaxarovaya görə, görüşdə JCPOA-nın bərpası prosesi, ikitərəfli və beynəlxalq gündəlikdəki məsələlər müzakirə olunacaq.
O qeyd edib ki, iki ölkə arasında bir sıra aktual beynəlxalq və regional məsələlər, o cümlədən İranın nüvə proqramı üzrə Birgə Hərtərəfli Fəaliyyət Planı (JCPOA) ətrafında vəziyyət, iki ölkə arasında beynəlxalq platformalarda qarşılıqlı fəaliyyət, o cümlədən BMT, ŞƏT, Suriya, Əfqanıstan, Trans-Qafqaz və Xəzərdəki vəziyyət ələ alınacaq.
Busaat.az
