Rusiya və Misir prezidentləri arasında danışıqlar başlayıb

Rusiya prezidenti Vladimir Putin və Misir prezidenti Əbdülfəttah əs-Sisi arasında Strelnadakı Konstantinovski sarayında ikitərəfli danışıqlara başlayıb.

Busaat.az xəbər verir ki, görüşün protokol hissəsi başa çatdıqdan sonra prezidentlrəin söhbəti işgüzar naharda davam etdiriləcək.

Bu gün səhər saatlarında Putin Efiopiyanın baş naziri Abiy Əhməd və BRİKS Yeni İnkişaf Bankının prezidenti Dilma Russefflə görüş keçirib. Bütün bu görüşlər qarşıdan gələn Rusiya-Afrika sammiti öncəsi keçirilir. Putinin sammitdə iştirak edən bütün Afrika liderləri ilə görüşəcəyi planlaşdırılır.

Qeyd edək ki, bundan əvvəl Putin 2019-cu ildə ilk Rusiya-Afrika Sammiti zamanı El-Sisi ilə danışıq aparmışdı. İki lider arasında son telefon danışığı bu ilin martında olub.

Busaat.az