Rusiya Polşanın Moskvadakı müvəqqəti işlər vəkili Yaçek Sladevçkini Xarici İşlər Nazirliyinə çağırıb və nota verib.
Busaat.az xarici mediaya istinadən xəbər verir ki, Polşanın Varşava Bələdiyyəsinin Rusiyanın Varşavadakı Səfirliyinin lisey kimi istifadə etdiyi binanı ötən şənbə günü öz yurisdiksiyasına almasından sonra Rusiya Xarici İşlər Nazirliyi Polşanın Moskvadakı müvəqqəti işlər vəkili Yaçek Sladevçkini Xarici İşlər Nazirliyinə çağırıb.
20 dəqiqəlik görüşdən sonra tərəflər heç bir açıqlama verməsə də, Polşa Xarici İşlər Nazirliyinin sözçüsü Lukas Jasina müvəqqəti işlər vəkili Sladevçkinin Rusiya Xarici İşlər Nazirliyinə çağırıldığını təsdiqləyib.
Rusiyanın Varşavadakı səfiri Siergiej Andriejew məktəb binasının müsadirə olunması ilə əlaqədar bu gün Polşa Xarici İşlər Nazirliyinə etiraz notası verildiyini açıqlayıb.
Busaat.az
