Rusiya ilə Ukrayna arasında əsir əsgər mübadiləsi aparılıb.
Busaat.az xəbər verir ki, bu barədə məlumatı Rusiya Müdafiə Nazirliyi yayıb.
Nazirlikdən verilən açıqlamada Ukrayna tərəfi ilə aparılan danışıqlar nəticəsində 50 rus əsgərinin azad edildiyi bildirilib.
Açıqlamada əsgərlərə lazımi tibbi və psixoloji dəstəyin göstərildiyi, həmin şəxslərin nazirliyə məxsus təyyarələrlə paytaxt Moskvaya aparılacağı bildirilib.
Ukrayna Prezident Aparatının rəhbəri Andriy Yermak sosial media hesabından verdiyi açıqlamada Rusiya ilə əsir mübadiləsi nəticəsində 50 ukraynalı əsgərin azad edildiyini bildirib.
Onların arasında Olenivkada saxlanılan və Mariupol, Donetsk, Luqansk və Zaporojye vilayətlərində Azovstal Metallurgiya Zavodunda baş verən qarşıdurmalar zamanı əsir düşənlərin də olduğuna diqqət çəkən Yermak, məhbus mübadiləsi ilə bağlı işləri davam etdirəcəklərini bildirib.
