Kiyev Şəhər Hərbi İdarəsindən verilən yazılı açıqlamada Rusiya qüvvələrinin səhər saatlarında paytaxt Kiyevə hava hücumu təşkil etdiyi bildirilib.
Busaat.az xəbər verir ki, açıqlamada deyilir:
“Mayın əvvəlindən paytaxta ardıcıl 9-cu hava hücumu həyata keçirilib. Bu dəfə hücum Xəzər regionundan Tu-95MS, Tu-160 strateji bombardmançıları tərəfindən, ehtimal ki, X-101/555 tipli qanadlı raketlərlə həyata keçirilib”.
Açıqlamada Rusiya qüvvələrinin hücum zamanı pilotsuz uçuş aparatlarından (PUA) da istifadə etdiyi və ilkin məlumata görə, bütün hədəflərin Ukrayna Hərbi Hava Qüvvələri tərəfindən məhv edildiyi bildirilib.
“Raketlərin və PUA-ların növü və sayı ilə bağlı yekun məlumatlar tezliklə Hərbi Hava Qüvvələri tərəfindən açıqlanacaq”, – məlumatda deyilir.
Ukraynanın müxtəlif bölgələrində hava hücumu xəbərdarlığı səslənməkdə davam edir.
Busaat.az
