1 milyon ton Rusiya taxılının emal edilməsi və ehtiyacı olan ölkələrə çatdırılması üçün Türkiyəyə tədarük layihəsi hazırda inkişaf mərhələsindədir.
Busaat.az xəbər verir ki, bu barədə Rusiya xarici işlər nazirinin müavini Sergey Verşinin TASS-a bildirib.
Qeyd edək ki, avqustun 31-də Rusiyanın xarici işlər naziri Sergey Lavrov və türkiyəli həmkarı Hakan Fidan taxıl müqaviləsini və Qətərin maliyyə dəstəyi ilə Türkiyəyə güzəştli qiymətlə 1 milyon ton Rusiya taxılının tədarükü təşəbbüsünün necə həyata keçiriləcəyini müzakirə ediblər.
Sentyabrın 4-də Rusiya prezidenti Vladimir Putin və Türkiyə lideri Rəcəb Tayyib Ərdoğan Soçidə ikitərəfli görüşdə bu məsələ barədə danışıqlar aparıblar.
