Rusiya Yapon dənizində raket sınağı keçirib

Rusiya Yapon dənizində “Moskit” gəmi əleyhinə raket sınağını həyata keçirdiyini açıqlayıb.

Busaat.az xəbər verir ki, bu barədə Rusiya Müdafiə Nazirliyindən verilən açıqlamada bildirilib.

Açıqlamada qeyd edilib ki, iki gəmi düşmən hədəfə birgə raket hücumu həyata keçirib və təxminən 100 kilometr uzaqlıqda olan hədəf iki “Moskit” raketi ilə uğurla vurulub.

Yaponiya Xarici İşlər Nazirliyi də Yaponiyanın şimalındakı Hokkaydo adasının təxminən 700 kilometrliyində, körfəzdə həyata keçirilən raket sınağı ilə bağlı açıqlama verib.

Xarici işlər naziri Yoşimasa Hayaşinin sözlərinə görə, Moskva Ukraynaya qarşı təcavüzünü davam etdirməklə yanaşı, Uzaq Şərqdə də fəaliyyətini gücləndirir.

Qeyd edək ki, səsdən sürətli qanadlı raket kimi tanınan “Moskit” 250 kilometrə qədər uçuş məsafəsinə malikdir.

Busaat.az