Rusiyanın müxtəlif regionlarında televiziya və radio kanallarında hava hücumu siqnalının arxasında hakerlərin olduğu üzə çıxıb.
Busaat.az xəbər verir ki, Rusiya rəsmiləri hava hücumu xəbərdarlığı yayımlayan bir neçə regional televiziya və radionun hakerlər tərəfindən sındırıldığını bildirib.
Tass-ın xəbərinə görə, Rusiya Fövqəladə Hallar Nazirliyi kiberhücumdan sonra Rusiyanın müxtəlif bölgələrində saxta hava hücumu xəbərdarlığı edildiyini açıqlayıb.
“Ölkənin bəzi bölgələrindəki radiostansiyalar və telekanallar serverləri sındırıldıqdan sonra hava hücumu ilə bağlı xəbərdarlıq edib. Rusiya Fövqəladə Hallar Nazirliyi bu məlumatın yalan və həqiqətə uyğun olmadığını bildirir”, – nazirliyin açıqlamasında deyilir.
Bundan əvvəl Voronej vilayətində və Krımda hakerlərin radio proqramlarını kəsdiyi və hava hücumu xəbərdarlığı ilə yerli əhalini sığınacaqlara getməyə çağırdığı bildirilib.
