
Rusiyada koronavirusdan ölənlərin sayı artdı
Rusiyada ötən sutka ərzində 809 nəfər koronavirusdan dünyasını dəyişib.
Busaat.az xəbər verir ki, bu barədə məlumatı Rusiyanın Operativ Qərargahı yayıb.
Qeyd olunur ki, avqustun 17-dən bu yana koronavirusdan ölənlərin sayı ilk dəfə 800-ü keçib.
Bununla yanaşı, son sutkada Rusiyada 19536 yoluxma halı qeydə alınıb və bununla da pandemiya dövründə qonşu ölkədə ümumi 6 804 910 yoluxma halı aşkar olunub.
Son sutkada sağalanların sayı isə 19 654 nəfər təşkil edib və ümumi olaraq 6 073 157 nəfər Rusiyada koronavirusdan sağalıb.























